ලංකාවේ අග්‍රාමාත්‍ය රනිල් වික්‍රමසිංහ ජනාධිපති ලෙස පත් කිරීමෙන් පසු රට තුළ සිදුවන වේගවත් තත්ත්වයන් පිළිබඳව සමීපව නිරීක්ෂණය කරමින් සිටින බව බ්‍රිතාන්‍ය රජය ප්‍රකාශ කරයි.
“ශ්‍රී ලංකාවේ වත්මන් දේශපාලන සහ ආර්ථික අභියෝග විසඳීම සඳහා සාමකාමී, ප්‍රජාතන්ත්‍රවාදී සහ ඇතුළත් ප්‍රවේශයක් සොයා ගැනීමට එක්සත් රාජධානියේ රජය සියලු පාර්ශ්වයන් දිරිමත් කරයි. පසුගියදා අග්‍රාමාත්‍ය රනිල් වික්‍රමසිංහ මහතා ජනාධිපති ධූරයට පත් කිරීම ඇතුළු වේගවත් තත්ත්වයන් පිළිබඳව අපි සමීපව නිරීක්ෂණය කරමින් සිටිමු. නීතියේ ආධිපත්‍යයට ගරු කරන ලෙසත්, ප්‍රචණ්ඩත්වයෙන් හා හානිවලින් වළකින ලෙසත් අපි සියලු පාර්ශ්වයන්ගෙන් ඉල්ලා සිටිමු, ”
යනුවෙන් රාජ්‍ය අමාත්‍ය (විදේශ, පොදුරාජ්‍ය මණ්ඩලීය සහ සංවර්ධන කාර්යාලය) අමන්දා මිලින් එක්සත් රාජධානියේ පාර්ලිමේන්තුවට දන්වා සිටියේය.ලිඛිත ප්‍රකාශයක් කරමින් ඇය කියා සිටියේ එක්සත් රාජධානිය ලෝක බැංකුව (WB), සහ ජාත්‍යන්තර මූල්‍ය අරමුදල (IMF) වැනි බහුපාර්ශ්වික ආයතන හරහා ලංකාවට ආර්ථික ආධාර සපයන බවය.
“අපි ශ්‍රී ලංකාවේ ණය අර්බුදයට විසඳුම් සෙවීම සඳහා පැරිස් සමාජයේ සෙසු සාමාජිකයන් සහ ලෝක බැංකුව ඇතුළු බහුපාර්ශ්වික සංවිධාන සමඟ සමීපව කටයුතු කරමින් සිටිමු. ජූනි 9 වැනි දින දියත් කරන ලද එක්සත් ජාතීන්ගේ ඒකාබද්ධ මානුෂීය අවශ්‍යතා සහ ප්‍රමුඛතා (HNP) සැලැස්ම මත පදනම්ව ඔවුන්ගේ සම්බන්ධීකරණ ප්‍රතිචාරය සඳහා අපි එක්සත් ජාතීන්ගේ සංවිධානයට සහ එහි නියෝජිතායතනවලට සහය දෙමු.
