රාජපක්ෂලා දුෂණයට සියලුම පද්ධති බින්දා.හිටපු අගමැති ලේකම් හෙළිදරව්වක් කරයි.

රට ආගාධයකට ඇද වැටී තිබියදීත් ඊට වගකිව යුතු පුද්ගලයින් තවමත් විවිධ ස්ථානවල රැඳී සිටිමින් සිය නියෝජිතයින් හරහා පාලන කටයුතු වලට මැදිහත් වෙමින් සිටින බව රාජපක්ෂ රජයේ හිටපු අග්‍රාමාත්‍ය ලේකම් වරයෙකු සහ කැබිනට් ලේකම් වරයෙකු වන එස් අමරසේකර මහතා සදහන් කළේය.

ජනාධිපති ගෝඨාභය රාජපක්ෂ මහතා බලයට පත් කිරීම සඳහා සිවිල් සංවිධාන නිර්මාණය කරමින් විශාල දායකත්වයක් දක්වා ඇති අමරසේකර මහතා පවසන්නේ තමන් ඇතුළු රාජ්‍ය නිලධාරීන් රැසක් ඒ අවස්ථාවේදී විශාල රැවටීමකට ලක් වූ බව මේ වන විට අවබෝධ වී ඇති බව.

මුහුණ පා ඇති අර්බුදයට වත්මන් රජය වගකිවයුතු බවත් ඊට සම්බන්ධ ප්‍රධාන චූදිතයන් දෙදෙනෙකු වන හිටපු ජනාධිපති ලේකම් පී බී ජයසුන්දර සහ හිටපු මුදල් අමාත්‍ය බැසිල් රාජපක්ෂ යන දෙදෙනා මේ වන විට ද තම හිතවතුන් යොදාගනිමින් පද්ධතියට අනිසි බලපෑම් සිදු කරන බවට බරපතල සැකයක් තමාට ඇති බව ද මෙම ජ්‍යේෂ්ඨ පරිපාලන නිලධාරියා හෙළිකරයි.

රාජපක්ෂ පාලන සමයේ දී විනිවිද භාවය සහ මුල්‍ය විනය ආරක්ෂා කිරීම සඳහා රාජ්‍ය යාන්ත්‍රණය තුළ පැවති බොහෝ පද්ධති බිඳ දැමීම සඳහා දේශපාලනඥයින් හා නිලධාරීන් කටයුතු කළ ආකාරය පිළිබඳව ද ජ්‍යෙෂ්ඨ පරිපාලන නිලධාරීයා මෙම සාකච්ඡාවේදී හෙළි කරයි.

මෙරට අන්තර්ජාල නාලිකාවක් සමග විශේෂ සාකච්ඡාවකට එක්වෙමින් නිලධාරියා මෙම කරුණු හෙළිකරයි.

S H A R E - with your friends - 🔻
guest

0 Comments
Inline Feedbacks
View all comments
Hot list⚡
Close
Trend🔥
Close
Highlights
Close