By unusuma.lk on (LK time)
පසුගිය කාලයේ සමාජ මාධ්‍ය ඔස්සේ එල්ටීටීඊ සංවිධානයේ මහවිරු සැමරුම් ප්‍රචාරණය කළ සැකකරුවන් තිදෙනෙකු පොලිසිය විසින් අත්අඩංගුවට ගෙන තිබේ.
පොලිස් වාර්තාවලට අනුව, මෙම සැකකරුවන් සිය සමාජ මාධ්‍ය ගිණුම් ඔස්සේ එල්ටීටීඊ නායක වේළුපිල්ලේ ප්‍රභාකරන්ගේ ඡායාරූප සහ එල්ටීටීඊ සංවිධානයට අදාළ වීඩියෝ දර්ශන බෙදා හැර තිබේ. මෙම ක්‍රියාකාරකම් මගින් ත්‍රස්තවාදී ක්‍රියාකාරකම් ප්‍රචාරණය කිරීමට උත්සාහ කර ඇති බව පොලිසිය සැක කරයි.
අත්අඩංගුවට ගත් සැකකරුවන්ගෙන් එක් අයෙක් චුන්නාගම් ප්‍රදේශයේදීත්, තවත් අයෙක් බද්දේගම ප්‍රදේශයේදීත් අත්අඩංගුවට ගෙන ඇත. මෙම සැකකරුවන් තම ෆේස්බුක් ගිණුම් ඔස්සේ අසත්‍ය ප්‍රවෘත්ති සහ වීඩියෝ දර්ශන බෙදා හැර තිබූ බව පොලිස් විමර්ශනවලින් හෙළි වී ඇත.
පොලිසිය විසින් මෙම සිද්ධිය සම්බන්ධයෙන් වැඩිදුර විමර්ශන සිදු කරමින් පවතී.
