අ.පො.ස උසස් පෙළ කෘෂිවිද්‍යාව ප්‍රශ්න පත්‍රය පිටවී ඇති බවට තොරතුරු අනාවරණය වීමත් සමග එම ප්‍රශ්න පත්‍රය සම්පූර්ණයෙන්ම අවලංගු කිරීමට විභාග දෙපාර්තමේන්තුව පියවර ගත්තේය.
ඒ අනුව කෘෂිවිද්‍යාව විෂය පමණක් විශේෂ විභාගයක් ලෙස එළඹෙන පෙබරවාරි මස (01) වැනිදා පැවැත්වීමට විභාග දෙපාර්තමේන්තුව පියවර ගෙන ඇත.
අවංලගු කළ ප්‍රශ්න පත්‍රය වෙනුවට පැවැත්වෙන නව විභාගය සදහා පෙනී සිටීමට අදාළ ප්‍රවේශ පත්‍රය www.doenets.lk වෙබ් අඩවියට පිවිසීමෙන් ලබාගත හැකි බව එම දෙපාර්තමේන්තුව සදහන් කරයි.
මේ වනවිට විභාග අපේක්ෂකයින් සඳහා ප්‍රවේශ පත්‍රය නිකුත් කර ඇති අතර එය ලැබී නොමැතිනම් පමණක් වෙබ් අඩවියට පිවිසීමෙන් ප්‍රවේශ පත්‍රය ලබාගත හැකි බවද එම දෙපාර්තමේන්තුව සඳහන් කරයි.
විභාග අපේක්ෂකයින් අවලංගු වූ විභාගය සඳහා පෙනී සිටි මධ්‍යස්ථානයේම නව ප්‍රශ්න පත්‍රය සඳහා පෙනී සිටින්නේ නම් එලෙස ප්‍රවේශ පත්‍රය අවශ්‍ය නොවන බවද එම දෙපාර්තමේන්තුව සඳහන් කරයි.
