ඊශ්‍රායල ආරක්ෂක හමුදාව විසින් ගාසා තීරයේ රෆා ප්‍රදේශයේ සරණාගත කඳවුරකට එල්ල වූ ප්‍රහාරයකින් පුද්ගලයන් 35 දෙනෙකු මියගොස් සිය ගණනක් තුවාල ලබා ඇති බව විදෙස් මාධ්‍ය වාර්තා කරයි.
එම ප්‍රදේශයේ හමාස් ඉලක්කයක් වෙත මෙම ගුවන් ප්‍රහාරය එල්ල කළ බව ඊශ්‍රායල ආරක්ෂක හමුදාව ප්‍රකාශ කර ඇතත්, එම ප්‍රහාරයෙන් මියගිය අය අතර කාන්තාවන් සහ ළමුන් සිටින බව විදෙස් මාධ්‍ය වාර්තා කරයි.
එහෙත් ඊශ්‍රායල හමුදාව විසින් එම ප්‍රහාරය එල්ල කර ඇත්තේ දකුණු ගාසා තීරයේ රෆා නගරයේ අවතැන් වූවන් සඳහා නම් කරන ලද ප්‍රදේශයකට බව හමාස් සංවිධානය සදහන් කරයි.
නිවැරදි අවි සහ නිරවද්‍ය බුද්ධි තොරතුරු මත ඊශ්‍රායල ගුවන් හමුදාව රෆාහි හමාස් සංවිධානයේ කඳවුරකට ප්‍රහාර එල්ල කළ බව ඊශ්‍රායල හමුදාව තවදුරටත් සදහන් කරයි.
