සමගි ජන බලවේගය විසින් ලිපියක් මඟින් ජාතික ජන බලවේගය සහ ස.ජ.බ අතර යෝජිත විවාදය සඳහා දින තහවුරු කර තිබේ.
ස.ජ.බ මෙහෙයුම් ප්‍රධානි පාර්ලිමේන්තු මන්ත්‍රී නලින් බණ්ඩාර විසින් එම ලිපිය යවා ඇති අතර එහි සඳහන්වන්නේ පළමුව දෙපාර්ශවයේ ආර්ථික කමිටු අතර විවාදය පැවැත්විය යුතු බවයි.
එම ලිපිය මඟින් ජාතික ජන බලවේගයට දැනුම් දී ඇත්තේ මැයි මස 27, 28, 29, 30,සහ 31 යන දිනයන් අතරින් පහසු දිනයක් තෝරා ගන්නා ලෙසයි.
එමෙන්ම පක්ෂ දෙකෙහි නායකවරුන් වන විපක්ෂ නායක සජිත් ප්‍රේමදාස සහ පාර්ලිමේන්තු මන්ත්‍රී අනුර කුමාර දිසනයාක අතර විවාදය සඳහා ජුලි මස 3, 4, 5, 6, හෝ 7 අතර දිනයක් සුදුසු බව ලිපිය මඟින් යෝජනා කර ඇත.
පාර්ලිමේන්තු මන්ත්‍රී නලින් බණ්ඩාර විසින් අදාළ ලිපියේ වැඩිදුරටත් සඳහන් කර ඇත්තේ, විවිවාද දිනයන් සම්බන්ධයෙන් ජාතික ජන බලවේගයෙන් කඩිනම් පිළිතුරක් අපේක්ෂා කරන බවයි.
බය කියන ෆීලින් එකට උපරිම සාධාරණයක් ඉශ්ට කරපු සජිත් මහත්තයා 😁😁😁