By unusuma.lk on (LK time)
පසුගිය සැප්තැම්බර් (20) වනදා හදිසියේම රටින් පිටව ගිය හිටපු අමාත්‍ය බැසිල් රාජපක්ෂ නැවතත් ලංකාවට පැමිණීමේ අදහසක් නොමැති බවත් පවුලේ අය සමග කාලය ගත කිරීමට තීරණය කර ඇති බව වාර්තා වේ.
බැසිල් රාජපක්ෂ හදිසියේම විදේශගත වීම සම්බන්ධයෙන් දේශපාලන පිරිස් අතර දැඩි කතා බහට ලක් වුවත් පොදුජන පෙරමුණ පක්ෂය ලබාගත් පරාජය මෙම විදේශගත වීමට හේතුව බව බොහෝ දෙනාගේ මතය වී ඇත.
මෙවර මහ මැතිවරණයේ බිම් මට්ටමේ කටයුතු මෙන්ම ප්‍රචාරක කටයුතු සඳහා බැසිල් රාජපක්ෂ මැදිහත් වීමක් සිදු නොවන බවත් යම් ආකාරයෙන් උපදෙස් අවශ්‍ය විටකදී දුරකථන මාර්ගයෙන් උපදෙස් ලබාදෙන බව ඔහුගේ සමීපතයින් සදහන් කරයි.
පසුගිය කාලයේ සිටි ප්‍රබල දේශපාලඥයින් පවා මෙවර මැතිවරණයට තරග කිරීමට ඉදිරිපත් නොවී සිටිම හේතුවෙන් බැසිල් රාජපක්ෂ මෙරටට පැමිණ මැතිවරණය මෙහෙයවීමක් සිදු නොකරන බවද ඔහුගේ සමීපතයින් සදහන් කරයි.
ජාතික ජන බලවේග පක්ෂය පාලන බලයට පැමිණිමත් සමග අනෙකුත් දේශපාලන පක්ෂ මේ වනවිට පසුබෑමට ලක්ව ඇති බැවින් හා ජනතාව වෙනස් වීමට කටයුතු කිරීම හේතුවෙන් බැසිල් රාජපක්ෂට නැවත පැමිණ දේශපාලනය කිරීමට නොහැකි තත්ත්වයක් නිර්මාණය වී ඇති බවද සදහන් කරයි.
