මේ දිනවල දේශපාලන වේදිකාවේ උණුසුම් මාතෘකාවක් වී ඇති අනුර සජිත් විවාදය පිළිබඳව අදත් පාර්ශව ගණනාවක් අදහස් දක්වා තිබුනි.
කෙසේ වෙතත් සජිත් ප්‍රේමදාසගේ පාර්ශවය වෙනුවෙන් අදහස් දැක්වූ සමගි ජන බලවේගයයේ නියෝමාල් පෙරේරා, නලීන් බණ්ඩාර සහ ආශු මාරසිංහ ඇතුළු පිරිස දිගින් දිගිටම කියා සිටියේ සජිත් විවාදයට ඕනෑම වේලාවක තම කණ්ඩායම සමඟ ඒමට සූදානම් බවයි.
කෙසේවෙතත් ජාතික ජන බලවේගය පාර්ශවය නියෝජනය කරමින් අදහස් දැක්වූ ලාල් කාන්ත සහ නලින්ද ජයතිස්ස කියා සිටියේ මුලින් අභියෝග කළ පරිදි පක්ෂ දෙකේ නායකයන් දෙපල අතර විවාදය පැවැත්විය යුතු බවත් ඉන් පසු කණ්ඩායම් විවාදයක් පිළිබඳ සාකච්ඡා කළ හැකි බවත්ය.
එහිදී විවාදය පිළිබඳ සාකච්ඡා කිරීමට නලින්ද ජයතිස්ස නොපැමිණි බවට චෝදනා කළ නලීන් බන්ඩාර වෙත පිළිතුරු ලබාදෙමින් නලින්ද ජයතිස්ස ප්‍රකාශ කළේ, පළමුව සජිත් ප්‍රේමදාසට සුදුසු මැයි 20දාට ප්‍රථම ඕනෑම දිනයක් නම් කරන ලෙසත් ඉන්පසු විවාදය පිළිබඳ සියලු කරුණු සාකච්ඡා කිරීමට නලීන් බණ්ඩාර හමුවීමට එන බවත් ය.
