අතීතයේ එකාවන්ව කොටි ත්‍රස්තවාදීන්ට එරෙහිව සටන් කළ ශ්‍රී ලංකා හමුදාව අද වන විට යුක්රේනෙ හා රුසියා හමුදාවේ කුලී හේවායින් ලෙස දෙපිළ බෙදී සටන් කරන බව පාර්ලිමේන්තු මන්ත්‍රී දයාසිරි ජයසේකර මහතා පාර්ලිමේන්තුවේදී සඳහන් කළේය.
‘මෙරට හමුදාවෙන් විශ්‍රාම ගිය පිරිස් රුසියාවේ කෑම්ප් හෙල්පර් විදිහට රැගෙන යනවා, නමුත් ඇත්තටම කරන්නෙ අරං ගිහින් රුසියා – යුක්‍රේන යුද්ධයට දානවා.
මේ විදිහට ලංකාවෙන් පිටත්ව ගිය විශ්‍රාමික හමුදා නිළධාරියෙක් වන කුසන්ත ගුණතිලක කියන පුද්ගලයා අද වෙන තෙක් අතුරුදන්.
ඔහු ඉන්දියානු සමාගමක් හරහා තමයි විදේශ ගතවී තිබෙන්නේ, මේ විදිහට තවත් විශාල පිරිසක් රුසියා – යුක්‍රේන යුද්ධයට සම්බන්ධ වී ඇති බව තොරතුරු අණාවරනය වෙලා තිබෙනවා.
ශ්‍රී ලංකාවෙ එකම හමුදාවේ සිටි පිරිස් අද රුසියාව යුක්‍රේනය ලෙස දෙපැත්තටම බෙදිල යුද්ධ කරනවා.
අපේ විශ්‍රාමික සෙබළුන්ට ප්‍රමාණවත් ආර්ථිකයක් නැති නිසා තමයි මෙහෙම තීරණ ගන්නේ, මේක බොහොම අවාසනාවන්ත තත්වයක්.
මොකද අද ලංකාවේ හමුදාව දෙපැත්තට බෙදිලා දෙපැත්තේ ඉඳන් ගහ ගන්නවා. අතීතයේ අපි එකතුවෙලා ත්‍රස්තවාදීන්ට එරෙහිව සටන් කළා.
අද ශ්‍රී ලංකා හමුදාව රටවල් දෙකකට බෙදිලා අපේ අය අපිටම ගහ ගන්නවා.
