පසුගියදා ඩුබායි හි පැවති 20යි 20 ලෝක කුසලාන තරගාවලියට සුදුසුකම් ලැබීමේ තරඟය ජය ගැනීමෙන් පසු ජයග්‍රාහී ශ්‍රී ලංකා කාන්තා ක්‍රිකට් කණ්ඩායම අද (09) උදෑසන මෙරටට පැමිණියේය.
එහිදී, ශ්‍රී ලංකා කාන්තා ක්‍රිකට් කණ්ඩායමේ නායිකා චමරි අතපත්තු ක්‍රිකට් ක්‍රීඩාවෙන් විශ්‍රාම ගන්නා බවට පැතිරෙන පුවත් පිළිබඳ මාධ්‍යවේදීන් නැඟූ ප්‍රශ්නයකට ඇය පැවසුවේ තමා ක්‍රිකට් ක්‍රීඩාවෙන් විශ්‍රාම යන්නේද? නැත්ද? යන්න සම්බන්ධයෙන් කතා කිරීමට මෙය සුදුසු වේලාවක් නොවන බවයි, එසේම ඇය වැඩිදුරටත් පැවසූවේ ඒ සම්බන්ධයෙන් තමා තවමත් තීරණයක් ගෙන නොමැති බවත්ය. නමුත් එසේ වීමටද හැකියාවක් පවතින බවද ඇය කියා සිටියාය.
ඇය පවසන්නේ එළඹෙන කාන්තා 20යි 20 ලෝක කුසලාන තරගාවලියට සුදුසුකම් ලබා ගැනීමට හැකිවීම සම්බන්ධයෙන් තම කණ්ඩායම ඉතා සතුටට පත්වන බවත්, මේ මොහොතේ තම කණ්ඩායට ඇති ඉලක්කය වනුයේ එළඹෙන 20යි 20 කාන්තා ක්‍රිකට් තරගාවලිය හොඳින් ක්‍රීඩා කිරීම බවත් ය.
