තද වැසි සමඟ ඇතිවන ගංවතුර පාලනය සඳහා කොළඹ නගරය සහ අවට ප්‍රදේශ වල ඇල වේලි ප්‍රතිසංස්කරණය කිරීමේ වැඩසටහන ඇරඹූ බව නගරික සංවර්ධන සහ නිවාස අමාත්‍යංශය සදහන් කරයි.
කිලෝමීටර 44කින් සමන්විත වන කොළඹ නගරයේ ප්‍රධාන ඇළ මාර්ග පද්ධතියේ හා වැව් වල ජපන් ජබර, වල් පැළැටි, දුගඳ හමන, රොන් මඩ, ප්ලාස්ටික් බෝතල්, බියර් කෑන්, සෙරෙප්පු, සනීපාරක්ෂක ද්‍රව්‍ය, අප ජලය හා තෙල් වර්ග ආදියෙන් පිරී පවතියි.
එලෙස පිරී පැවතීම මත ඉතා සුළු වර්ෂා තත්ත්වයකදී වුවද කොළඹ නගරයේ ප්‍රධාන මං මාවත් වතුරෙන් යටවීම හේතුවෙන් රුපියල් මිලියන 595 ක භණ්ඩාගාර ප්‍රතිපාදන මෙම ව්‍යාපෘතිය සඳහා වෙන්කර ඇති බවද සදහන් කරයි.
