By unusuma.lk on (LK time)
පොතුවිල් පොලිස් වසමේ ප්‍රසිද්ධ ක්‍රොකඩයිල් රොක් ප්‍රදේශයේදී සිදුවූ කිඹුලෙකු ඩැහැගෙන යෑමෙන් පුද්ගලයෙකු අතුරුදහන් වී ඇත.
පොලීසිය පවසන පරිදි, ඊයේ (28) සවස කාලයේ දී දූව ගඟේ මී හරකුන් එගොඩ කරමින් සිටියදී පුද්ගලයෙකු මෙලෙස කිඹුලෙකු විසින් ඩැහැගෙන ගොස් ඇති අතර අතුරුදහන් වූ පුද්ගලයා පසරච්චේන ප්‍රදේශයේ පදිංචි වයස අවුරුදු 41 ක තිදරු පියෙක් බව පැවසේ.
මෙම සිද්ධිය සම්බන්ධයෙන් පොතුවිල් පොලීසිය වහාම ක්‍රියාත්මක වී අතුරුදහන් වූ පුද්ගලයා සොයා ගැනීම සඳහා මෙහෙයුම් ආරම්භ කර ඇත.
පානම නාවික හමුදා කඳවුරේ නිලධාරීන් ද පොලිසිය සමඟ එක්ව මෙම මෙහෙයුම සිදුකරමින් සිටිනා අතර මෙතෙක් හෝඩුවාවක් හමුව නොමැති බව සඳහන්.
