සෞදි අරාබිය සහ රුසියාව සිය ඛනිජ තෙල් නිෂ්පාදන කප්පාදුව සහ අපනයන සීමාවන් මෙම 2023 වසර අවසන් වනතුරු දීර්ඝ කිරීම නිල වශයෙන් ප්‍රකාශයට පත් කර ඇත.
ඛනිජ තෙල් නිෂ්පාදන කප්පාදුව සහ අපනයන සීමාවන් හේතුවෙන් සැපයුම සීමිතවීමත්, ඉහළ යන ඉල්ලුමත් හමුවේ තෙල් මිල ගණන් තවදුරටත් ඉහළයාම අපේක්ෂා කළ හැකි බවද විශ්ලේෂකයින් සදහන් කරයි.
දිනකට තෙල් බැරල් 500,000ක නිෂ්පාදන කප්පාදුවක් සිදුකරන අතර එම කප්පාදුව වසර අවසානය තෙක් බලපැවැත්වෙන බවද රුසියානු නියෝජ්‍ය අග්‍රාමාත්‍ය ඇලෙක්සැන්ඩර් නොවැක් සඳහන් කරයි.
තෙල් බැරල් මිලියනයක කප්පාදුව තවදුරටත් ක්‍රියාත්මක කරන බවත් නොවැම්බර් සහ දෙසැම්බර් මාසවලදී දිනකට තෙල්බැරල් මිලියන 09ක් පමණක් නිෂ්පාදනය කිරීමට අපේක්ෂා කරන බවද සෞදි අරාබිය සදහන් කරයි.
ලොව විශාලතම ඛනිජ තෙල් නිෂ්පාදක රටවල් දෙක වන සෞදි අරාබිය සහ රුසියාව මෙම තීරණය ප්‍රකාශ කර ඇත්තේ එම සංවිධානයේ තෙල් අමාත්‍යවරුන් මාර්ගගත රැස්වීමකට එක්වීමට ආසන්නව තිබියදීය.
