විදුලි ගාස්තු වැඩිකිරීම සඳහා කරන ලද උපකල්පනවල වෙනස්වීම් පවතින බැවින් විදුලි ගාස්තු සම්බන්ධයෙන් නවතම දත්ත ඉදිරිපත් කරන ලෙස මහජන උපයෝගිතා කොමිෂන් සභාව විදුලිබල මණ්ඩලයට ලිඛිතව දැනුම්දී ඇත.
සැප්තැම්බර් මාසය සඳහා දිනකට ගිගා වොට් පැය 44.70ක විදුලි ඉල්ලුමක් ලැබෙනු ඇති බව තක්සේරු කළද සැබෑ ලෙසම ඉදිරිපත්ව ඇති ඉල්ලුම ගිගා වොට් පැය 41.01ක් බව උපයෝගිතා කොමිෂන් සභාව විදුලිබල මණ්ඩලයට දැනුම්දී ඇත.
ගල් අඟුරු කිලෝග්‍රෑමයක මිල රුපියල් 68.60ක සිට රුපියල් 52.60ක් දක්වා අඩු වී ඇති බවත් මණ්ඩලය ඉදිරිපත් කර ඇති යෝජනාවේ උපකල්පනය කරන ලද ඉල්ලුම අවම දත්ත සමඟ සනාථ කළ නොහැකි බවද උපයෝගිතා කොමිෂන් සභාව දැනුම්දී ඇත.
