සිංහල දමිළ නව අවුරුදු සමය තුල ව්‍යාජ මුදල් නෝට්ටු සංසරණය ඉහළ ගොස් ඇති බවත්, ඒ සම්බන්ධව පැමිණිලි රැසක් ලැබෙමින් පවතින බවත් පොලීසිය විසින් ජනතාව වෙත දැනුවත් කිරීමක් සිදුකර තිබේ.
පොලිස් මාධ්‍ය ප්‍රකාශක, නියෝජ්‍ය පොලිස්පති නිහාල් තල්දූව පවසන්නේ ප්‍රධාන වශයෙන් කොළඹ දිස්ත්‍රික්කය ඇතුලු තදාසන්න ප්‍රදේශවල මෙලෙස ව්‍යාජ මුදල් නෝට්ටු සංසරණය ඉහළ ගොස් ඇති බවයි.
මුදල් පරිහරණයේදී මුදල් නෝට්ටුවල අසාමාන්‍ය තත්වයක් නිරීක්ෂණය වුවහොත් ඒ පිළිබඳව පොලීසිය දැනුවත් කිරීමට කටයුතු කරන ලෙසයි ඔහු ජනතාවගෙන් වැඩිදුරටත් ඉල්ලා සිටියේය.
ව්‍යාජ මුදල් නෝට්ටු හඳුනා ගැනීමට ශ්‍රී ලංකා මහ බැංකුව විසින් සපයා ඇති පහත තොරතුරු යොදාගැනීමට ඔබට හැකිය.!
