බටහිර ඉන්දියාවේ ගුජරාට් ප්‍රාන්තයේ විනෝද ක්‍රීඩා මධ්‍යස්ථානයක ඇති වූ ගින්නකින් දරුවන් ඇතුළු අවම වශයෙන් පුද්ගලයින් 24 දෙනෙකු මිය ගොස් ඇති බව ඉන්දීය මාධ්‍ය වාර්තා කර ඇත.
මේ වනවිට එම ස්ථානයේ ගලවා ගැනීමේ ප්‍රයත්නයන් අඛණ්ඩව ක්‍රියාත්මක වන අතර රොයිටර් පුවත් ඒජන්සිය පවසන්නේ මරණ සංඛ්‍යාව තවදුරටත් ඉහළ යනු ඇතැයි අපේක්ෂා කරන බවයි.
ඒ වෙත අදහස් දක්වමින් ප්‍රාන්ත නගරාධිපතිවරයා කියා සිටියේ,
“අපගේ අවධානය යොමු වී ඇත්තේ ගලවා ගැනීමේ මෙහෙයුම් සහ ජීවිත බේරා ගැනීමටයි. මෙම සිද්ධියට වගකිව යුතු පුද්ගලයන්ට එරෙහිව දැඩි ක්‍රියාමාර්ග ගන්නා බවට අපි සහතික වෙනවා”
නිවාඩු සති අන්තයක් වූ බැවින් ගින්න හටගන්නා විට එම ස්ථානයේ පුද්ගලයින් 300 කට වැඩි පිරිසක් සිටි බව පැවසේ.
මියගිය පුද්ගලයන්ගේ සමහර සිරුරු ද හඳුනාගත නොහැකි ලෙස පිළිස්සී ඇති බව පැවසේ,
මේ අතර, දිස්ත්‍රික් ප්‍රධාන ගිනි නිවන හමුදාවේනුසස් නිලධාරියෙක් මාධ්‍ය වෙත අදහස් දක්වමින් පැවසුවේ, මේ වනවිට ගිනි නිවන භටයින් ගින්න බොහෝ දුරට පාලනය කර ඇති බවත් ගිනි ඇතිවීමට හේතුව තවමත් අනාවරණය කර ගෙන නොමැති බවත්ය.
ගුජරාට් ප්‍රධාන අමාත්‍ය භූපේන්ද්‍ර පටෙල් පැවසුවේ සිද්ධිය සම්බන්ධයෙන් විමර්ශන කිරීම සඳහා විශේෂ විමර්ශන කණ්ඩායමක් (SIT) කැඳවා ඇති බවත්, සිද්ධිය සම්බන්ධයෙන් පුද්ගලයන් දෙදෙනෙකු රාජ්කොට් පොලිසිය විසින් අත්අඩංගුවට ගෙන ඇති බවත්ය.
ගුජරාට් යනු ඉන්දීය අගමැති නරේන්ද්‍ර මෝදිගේ උපන් ප්‍රාන්තයයි.
සිදුවීම සම්බන්ධයෙන් X හි සටහනක් තබමින් මෝඩි කියා සිටියේ රාජ්කොට් හි ඇති වූ ගිනි අනතුරෙන් තමා අතිශයින් කම්පනයට පත්ව සිටිනා බවයි.
