මලාවි රාජ්‍යයේ උප ජනාධිපති සවුලෝස් චිලිමා (Saulos Chilima) රැගත් ගුවන් යානය ලිලොන්ග්වේ අගනුවරෙන් පිටත්වීමෙන් පසු අතුරුදන් වීමත් සමඟ සෝදිසි මෙහෙයුමක් දියත් කිරීමට එරට ජනපතිවරයා විසින් ආරක්ෂක අංශ වෙත නියෝග කර ඇත.
මලාවි උප ජනාධිපතිවරයා සහ තවත් 9 දෙනෙකු රැගත් හමුදා ගුවන් යානයක් මෙසේ අතුරුදන් වී ඇති අතර, යානය සොයා සෝදිසි මෙහෙයුම් ක්‍රියාත්මක බව ජනාධිපති කාර්යාලය පවසයි.
51 හැවිරිදි උප ජනාධිපති Saulos Chilima රැගත් යානය සඳුදා ලිලොන්ග්වේ අගනුවරෙන් පිටත්වී විනාඩි 45 කට පමණ පසුව උතුරට කිලෝමීටර් 370 ක් (සැතපුම් 230) පමණ දුරින් Mzuzu ජාත්‍යන්තර ගුවන්තොටුපළ වෙත ගමන්කරමින් තිබූවද, එම ගමනාන්තය වෙත ලඟාවීමට නොහැකි වී ඇත.
ගුවන් යානය දේශීය වේලාවෙන් උදෑසන 9 ට පසුව (07:00 GMT) ගුවන් ගත වී ඇති බව එරට ආරක්ෂක හමුදා පවසයි.
