ඉන්දීය ප්‍රීමියර් ලීග් තරගාවලියේ ශූරතාව හිමිකරගත් කොල්කටා නයිට්රයිඩර්ස් කණ්ඩායමේ උපදේශකයෙකු ලෙස කටයුතු කළ හිටපු ක්‍රීඩක ගෞතම් ගාම්බීර් පිළිබඳ ඉන්දීය ක්‍රිකට් පාලක මණ්ඩලයේ විශේෂ අවධානය යොමුවී ඇත.
ඉන්දීය ක්‍රිකට් කණ්ඩායමේ ප්‍රධාන පුහුණුකරු ලෙස කටයුතු කරන රාහුල් ඩ්‍රාවිඩ්ගේ ධුර කාලය අවසන් වීම හේතුවෙන් නව පුහුණුකරුවෙකු තෝරා පත් කරගැනීම සඳහා ඉන්දීය ක්‍රිකට් පාලක මණ්ඩලය මේ දිනවල කටයුතු කරමින් ඇත.
ඒ අනුව ඉන්දීය හිටපු ක්‍රීඩක ගෞතම් ගාම්බීර් ඉන්දීය ක්‍රිකට් කණ්ඩායමේ ප්‍රධාන පුහුණුකරු ධුරයට පත් කිරීමේ සුදානමක් පවතින බවත් ඔහු සම්බන්ධයෙන් වැඩි අවධානයක් යොමුව ඇති බවද ඉන්දීය මාධ්‍ය වාර්තා කරයි.
