ගාසා තීරයේ ගැටුම අවසන් කිරීම සඳහා ඊශ්‍රායල යෝජනාවන් පිළිගන්නා ලෙස එක්සත් ජනපද ජනාධිපති ජෝ බයිඩන් හමාස් සංවිධානයෙන් ඉල්ලා සිටී.
කොටස් තුනකින් යුත් යෝජනාව ආරම්භ වන්නේ සති හයක සටන් විරාමයක් සමඟින් ඊශ්‍රායල ආරක්ෂක හමුදා (IDF) ගාසා තීරයේ ජනාකීර්ණ ප්‍රදේශවලින් ඉවත් කිරීමෙනි.
මෙහිදී මානුෂීය ආධාර වැඩිකිරීම මෙන්ම පලස්තීන සිරකරුවන් සඳහා ප්‍රාණ ඇපකරුවන් හුවමාරු කිරීමක් ද සිදු කිරීමට යෝජනා වී ඇත.
යෝජනාවට ප්‍රතිචාර වශයෙන් හමාස් සංවිධානය කියා සිටියේ මෙම යෝජනාව “සාධනීය” ලෙස සලකන බවයි.
පසුගිය සිකුරාදා ධවල මන්දිරයේදී අදහස් දක්වමින් Biden මහතා පැවසුවේ යෝජිත සැලැස්මේ පළමු අදියරට “පූර්ණ සහ සම්පූර්ණ සටන් විරාමයක්”, IDF හමුදා ජනාකීර්ණ ප්‍රදේශවලින් ඉවත් කර ගැනීම සහ පලස්තීන සිරකරුවන් සඳහා ප්‍රාණ ඇපකරුවන් හුවමාරු කිරීම ඇතුළත් වන බවයි.
දෙවන අදියරේදී සොල්දාදුවන් ඇතුළුව ඉතිරිව සිටින සියලුම ප්‍රාණ ඇපකරුවන් ආපසු කැඳවීමට නියමිතයි.
එක්සත් රාජධානියේ විදේශ ලේකම් ඩේවිඩ් කැමරන් විසින්ද මෙම යෝජනාවට එකඟ වන ලෙස හමාස් සංවිධානයෙන් ඉල්ලා සිටි අතර, ඔහු X හි සටහනක් තබමින් ප්‍රකාශ කළේ “මෙම ගිවිසුම පිළිගත යුතු අතර එවිට අපට සටනේ නැවතීමක් දැකිය හැකි” බවයි.
“අපි සියලු දෙනාම නිවැරදි පියවර ගැනීමට සූදානම් නම්, සටන් නතර කිරීම ස්ථිර සාමයක් බවට පත් කළ හැකි බව අපි විශ්වාස කරමු,” කැමරන් එහි වැඩිදුරටත් සඳහන් කර ඇත.
එක්සත් ජාතීන්ගේ මහලේකම් ඇන්ටෝනියෝ ගුට X වෙත සටහනක් තබමින් මෙම ගිවිසුම පිළිගෙන ඇත. “ලෝකය ගාසා තීරයේ ඇති තරමට දුක් වේදනා සහ විනාශය දැක ඇති අතර දැන් එය නැවතීමට කාලයයි, මම ජනාධිපති Biden ගේ මුලපිරීම සාදරයෙන් පිළිගනිමි. සටන් විරාමයක් හරහා, සියලු ප්‍රාණ ඇපකරුවන් නිදහස් කිරීම, බාධාවකින් තොරව මානුෂීය ප්‍රවේශය සහතික කිරීම අවසානයේ මැද පෙරදිග ස්ථිර කාලීන සාමයක් ඇති කිරීමට සියලු පාර්ශවයන් දිරිමත් කළ යුතුයි,” යනුවෙන් ඔහු වැඩිදුරටත් සඳහන් කර ඇත.
යෝජනාවේ තුන්වන අදියරේදී මියගිය සෑම ඊශ්‍රායල ප්‍රාණ ඇපකරුවෙකුගේ දේහය නැවත ගෙන්වාගැනීමට හැකි ඇති අතර, නිවාස, පාසල් සහ රෝහල් නැවත ගොඩනැගීම සඳහා එක්සත් ජනපද සහ ජාත්‍යන්තර සහාය ඇතිව “ප්‍රධාන ප්‍රතිසංස්කරණ සැලැස්මක්” ද අන්තර්ගත වේ….
