මරු කැඳවන බැක්ටීරියාව ගැන සෞඛ්‍ය අමාත්‍යාංශයෙන් විශේෂ නිවේදනයක්.!

ගාල්ල බන්ධනාගාරයේ එක් පුද්ගලයෙකුට පමණක් ‘මෙනින්ගොකොකල්’ බැක්ටීරියාව ආසාදනය වී ඇති බව පරීක්ෂණ හරහා තහවුරු වී ඇති බව සෞඛ්‍ය සේවා අධ්‍යක්ෂ ජනරාල් වෛද්‍ය අසේල ගුණවර්ධන සදහන් කරයි.

බොරැල්ල වෛද්‍ය පර්යේෂණ ආයතනය සිදුකළ පරීක්ෂණවලදී එම බැක්ටීරීයාව ආසාදනය වී ඇත්තේ රෝගීන් දෙදෙනෙකුට පමණක් බවට තහවුරු කරගෙන ඇති බවද වෛද්‍ය අසේල ගුණවර්ධන සදහන් කරයි.

කොළඹින් වාර්තා වූ අනෙක් රෝගියාත් මේ වන විට කොළඹ ජාතික රෝහලේ ප්‍රතිකාර ලබමින් සුව අතට පත් වෙමින් සිටින බවත් ඔහු අත්තිඩිය ප්‍රදේශයේ සේවය කර ඇති බවද වෛද්‍ය අසේල ගුණවර්ධන සදහන් කරයි.

ගාල්ල කරාපිටිය රෝහලේදී කුඩා දරුවෙකුට මෙම රෝගය වැළඳි මියගිය බවට සැක පළ කළද එම දරුවාට ‘මෙනින්ගොකොකල්’ මෙනින්ජයිටීස් රෝගය නොතිබූ බවට පරීක්ෂණ හරහා සනාථ වී ඇති බවද වෛද්‍යවරයා සදහන් කරයි.

මෙම රෝගය බැක්ටිරියා මගින් ඇති වන රෝගයක් බවත් සෙම සහ කෙළ මගීන් මෙම රෝගය ව්‍යාප්ත වන බවත් තම සමීපතමයන් අතර රෝගය ව්‍යාප්ත වන බවද බොරැල්ල වෛද්‍ය පර්යේෂණ ආයතනයේ ක්ෂුද්‍රජීවී විශේෂඥ වෛද්‍ය ලිලානි කරුණානායක සදහන් කළහ.

රටේ ප්‍රජාව අතර ව්‍යාප්ත වෙනවාට වඩා නිවැසියන් අතර ව්‍යාප්තිය වැඩි බවත් ඉතාම සමීප ඇසුරක් තිබෙන පුද්ගලයින්ට රෝගය ව්‍යාප්ත වන බවත් මෙනින්ජයිටීස් කියන්නේ සංකූලතාවයක් බවද විශේෂඥ වෛද්‍ය ලිලානි කරුණානායක සදහන් කළහ.

Loading

 
 
 
Highlights
Close
Hot list⚡
Close
Trend🔥
Close