පසුගිය (23) වැනි දින සාර්ථකව සඳේ දක්ෂිණ ධ්‍රැවයේ තෝරාගත් ස්ථානයකට චන්ද්‍රයාන් 3 මෙහෙයුමට අයත් “වික්‍රම්” යානය සාර්ථකව පතිත කිරීමට ඉන්දියාවට හැකිවිය.
ඉන්දීය චන්ද්‍රයාන් 3 අභ්‍යවකාශ යානය සඳේ දක්ශිණ ධ්‍රැවය වෙත යැවිමේ මෙහෙයුමේ ප්‍රධාන විධායක තනතුරු සදහා අභ්‍යවකාශ පර්යේෂණ මධ්‍යස්ථානයට අයත් නිළධාරින් පිරිසෙන් සියයට 27%ක් කාන්තාවන් බව ඉන්දීය මාධ්‍ය විසින් අනාවරණය කර ඇත.
ඉන්දීය අභ්‍යවකාශ පර්යේෂණ මධ්‍යස්ථානයේ රොකට් කාන්තාව ලෙස නම් දරන අනුරාධා ටීකේ දැනට එම මධ්‍යස්ථානයේ සිටින ජ්‍යෙෂ්ඨතම විද්‍යාාඥවරිය වන අතර එම මෙහෙයුමේ වැදගත් කාර්යභාරයක් ඉටු කළ විද්‍යාඥයන් පිරිස අතර ඇය පෙරමුණ ගෙන ඇත.
“වික්‍රම්” යානය සදෙහි දක්ශිණ ධ්‍රැවයට ගොඩබැස්වීම දක්වා වන මෙහෙයුම සදහා අභ්‍යවකාශ පර්යේෂණ මධ්‍යස්ථානයට අයත් නිලධාරින් 500 දෙනෙකු දායක වී ඇති අතර කාන්තා විද්‍යාඥයන් හා ඉන්ජිනේරුවරියන් 54 දෙනෙකු එහි සිටින බවද ඉන්දීය මාධ්‍ය අනාවරණය කර ඇත.
