ඉරානය රජයේ උසස් නිලධාරියකුගේ ප්‍රකාශයක් උපුටා දක්වමින් විදෙස් මාධ්‍ය වාර්තා කර ඇත්තේ ඊයේ දිනයේ ගුවන් අනතුරකට ලක් වූ ඉරාන ජනාධිපති ඊබ්‍රාහිම් රයිසි හා විදේශ අමාත්‍යවරයා ඇතුළු පිරිස තවදුරටත් ජීවතුන් අතර වෙතැයි බලාපොරොත්තු බිඳ වැටෙමින් ඇති බවයි.
අනාවරණය වී ඇති තොරතුරු අනුව ජනාධිපතිවරයා ගමන් ගත් හෙලිකොප්ටරය සම්පූර්ණයෙන්ම ගිනිගෙන දැවී ඇති බවද ඔහු සඳහන් කළ බව මාධ්‍ය වාර්තා කොට ඇත.
හෙලිකොප්ටර තුළ ගමන් ගත් සියලු දෙනා මිය යන්නට ඇතැයි සැක කළ හැකි බවද ඔහු පවසා ඇත.
යානය කඩා වැටුණු ස්ථානයද ගවේෂණ කණ්ඩායම් විසින් මේ වන විට සොයාගෙන ඇති බව වාර්තා වේ.
