ඉරාන ජනාධිපති ඊබ්‍රාහිම් රයිසිට මරු කැඳවූ ගුවන් අනතුර සම්බන්ධයෙන් නිකුත් කළ දෙවැනි මූලික වාර්තාවෙන් කඩාකප්පල්කාරී ක්‍රියාවක් පිළිබඳ කිසිදු සාක්ෂියක් හමු වී නැති බව විදෙස් මාධ්‍ය වාර්තා කරයි.
ජනාධිපති රයිසිගේ හෙලිකොප්ටරයේ නටබුන් සහ කොටස් පරීක්ෂා කළ අතර විද්‍යුත් යුධ මැදිහත්වීමක් හෝ කඩාකප්පල්කාරී ක්‍රියාවක් පිළිබඳ කිසිදු සලකුණක් හමු නොවූ බව ඉරාන සාමාන්‍ය කාර්ය මණ්ඩලය නිකුත් කරන ලද වාර්තාවේ සදහන් වේ.
මෙම අනතුර සිදුවීමට තත්පර 69 කට පෙර සන්නිවේදන පද්ධතියේ අක්‍රීය වීමක් නොතිබූ බවත් කඩාකප්පල්කාරී ක්‍රියාවක ප්‍රතිඵලයක් ලෙසට පිපිරීමක් සිදුවීම සහ හෙලිකොප්ටරය කන්දට කඩා වැටීමට ප්‍රතික්ෂේප කරන බවද එම වාර්තාව සදහන් කරයි.
හෙලිකොප්ටරයේ ඉලෙක්ට්‍රොනික යුධ ක්‍රියාවක කිසිදු සලකුණක් මේ වනවිට අනාවරණය වී නොමැති බවත් නිශ්චිත සංඛ්‍යාතවල හා කාර්ය මණ්ඩලය සමඟ සන්නිවේදනය කිරීමේදී හදිසි අවස්ථාවක් වාර්තා වී නොමැති බවත් හෙලිකොප්ටරයේ නඩත්තු හා අලුත්වැඩියා සම්බන්ධයෙන් සොයා බැලූ බවද එම වාර්තාව සදහන් කරයි.
