ඉරාන ජනාධිපති ඊබ්‍රාහිම් රයිසි සහ ඉරාන විදේශ කටයුතු ඇමති හුසේන් අමීර් අබ්දෙල්ලහා ඊයේ (19) දින සිදුවූ හෙළිකොප්ටර් යානා අනතුරින් මියගියේය.
හෙළිකොප්ටර් අනතුරින් මියගිය ජනාධිපතිවරයාගේ සහ අනෙක් පුද්ගලයින්ගේ සිරුරු සොයාගත් බවත් අනතුරුව අදාළ මෙහෙයුම් කටයුතු නවතා දැමු බව ඉරාන රතු අඩසඳ ආයතනය සදහන් කරයි.
එම අනතුරට පත් යානය තුළ අසර්බයිජානයේ සිට ආපසු පැමිණෙමින් සිටි ජනාධිපතිවරයා ඇතුළු පුද්ගලයින් 09 දෙනෙකු ගමන් කර ඇති බව ඉරාන රතු අඩසඳ ආයතනය සදහන් කරයි.
ඉරාන ජනාධිපතිවරයාගේ මරණය හේතුවෙන් ඉරාන අධ්‍යාත්මික නායක අයතොල්ලා අල් කමෙනි විසින් එරට දින 05ක ශෝක කාලයක් ප්‍රකාශයට පත්කර ඇති බව විදෙස් මාධ්‍ය වාර්තා කරයි.
