අද (03) දින උදෑසන තායිවානයේ හුවාලියන් නගරයට කිලෝමීටර් 18ක් දකුණින්, වෙරළට ඔබ්බෙන්, කිලෝමීටර් 34.8ක් ගැඹුරින් රික්ටර් මාපාංක 7.4ක ප්‍රබලත්වයෙන් යුත් ප්‍රබල භූකම්පනයක් හටගෙන ඇති බව එක්සත් ජනපද භූ විද්‍යා සමීක්ෂණ ආයතනය සදහන් කරයි.
මියාකොජිමා දූපත ඇතුළු කලාපයේ ජපන් දූපත් සඳහා මීටර් තුනක් පමණ උස සුනාමි රළ පිළිබඳ අනතුරු ඇඟවීමක් නිකුත් කර ඇති බව ජපානයේ කාලගුණ විද්‍යා ඒජන්සිය සඳහන් කරයි.
මේ වනවිට දකුණු ජපානයේ සහ පිලිපීනයේ ඇතැම් ප්‍රදේශවලට සුනාමි අනතුරු ඇඟවීම් නිකුත් කර ඇති බවද විදෙස් මාධ්‍ය වාර්තා කරයි.
