හිටපු රාජ්‍ය අමාත්‍ය සනත් නිශාන්තගේ මරණය සැලසුම් සහගත මිනීමැරුමක්ද.? සාමාන්‍ය අනතුරකින් සිදුවු මරණයක්ද.? යන්න කඩිනමින් සොයා වැරදිකරුවන් සිටී නම් දඬුවම් පමුණුවන ලෙස පාර්ලිමේන්තු මන්ත්‍රී ජෝන්ස්ටන් ප්‍රනාන්දු සදහන් කරයි.
හිටපු රාජ්‍ය අමාත්‍ය සනත් නිශාන්තගේ මරණය පිළිබඳ සැකයක් තිබෙන බවත් එම සැකය තිබෙන නිසා සනත් නිශාන්තගේ බිරිඳ අපරාධ පරීක්ෂණ දෙපාර්තමේන්තුවේ පැමිණිල්ලක් ඉදිරිපත් කර තිබෙන බවද මන්ත්‍රීවරයා සදහන් කරයි.
මේ පිළිබඳ කතිකාවතක් සමාජ මාධ්‍යයේ ඇතිවී තිබෙන බැවින් අපරාධ පරීක්ෂණ දෙපාර්තමේන්තුව එම පැමිණිල්ල ඉක්මනින් විභාග කොට ඒ පිළිබඳව සොයා බලා ඔවුන් නීතිය හමුවට ගෙනවිත් දඬුවම් ලබාදිය යුතු බවද මන්ත්‍රීවරයා සදහන් කරයි.
අද (22) දින පාර්ලිමේන්තුවේදී හිටපු රාජ්‍ය අමාත්‍ය සනත් නිශාන්තගේ අභාවය පිළිබඳ ශෝක යෝජනාවේ අදහස් දක්වමින් මන්ත්‍රීවරයා මේ බව සදහන් කරයි.
