දකුණු කොරියාවේ දේශසීමා වෙත කුණු රැගෙන යන බැලූන යැවීමට උතුරු කොරියාව නැවතත් කටයුතු කර තිබේ.
අද (09) අළුයම මෙම කසළ පිරවූ බැලූන දකුණු කොරියානු අග නගරය වන සෝල් සහ දේශ සීමාව ආසන්න ප්‍රදේශවලින් සොයාගත් බව දකුණු කොරියානු හමුදාව පවසයි.
දකුණු කොරියානු රජය නිවේදනයක් නිකුත්කරමින් කියාසිටියේ, උතුරු කොරියාවෙන් එවන මෙම කසළ පිරවූ බැලූන පිළිබඳ ඉතා බැරෑරුම් ලෙස සලකන බවත් අවශ්‍ය පරිදි ප්‍රතිචාර දැක්වීමට සීරුවෙන් සිටිනා බවත්ය.
