By unusuma.lk on (LK time)
මාතලේ මහවෙල පොලිසිය පවසන්නේ මිතුරෙකුගේ පෙම්වතිය හමුවීමට එම මිතුරා සමඟ පෙම්වතිය පදිංචි ප්‍රදේශයට ගිය පාසල් සිසුවෙකුට කිසියම් පිරිසක් පහරදී ඝාතන කර ඇති බවයි.
කවුඩු පැළැල්ලේ කලෙයිමගල් විද්‍යාලයේ ඉගෙනුම ලැබූ මෝගන් යුගේස් නැමැති මාතලේ මඩවල උල්පත නාලන්දවත්තේ පදිංචි වයස අවුරුදු (17) ක පාසල් සිසුවෙකු මෙම අවාසනාවන්ත ඉරණමට මුහුන පා ඇත.
පෙරේදා සවස 5.30ට පමණ මඩවල උල්පත ආටිස්මලේ වත්ත ප්‍රදේශයට යතුරුපැදියකින් ගමන් කරමින් සිටියදී ගොඩවෙල බුදු මැදුර අසලදී මෙම පහරදීම සිදුව ඇති බව පොලිස් පරීක්ෂණවලින් අනාවරණය වී ඇත.
පහරදීම හමුවේ යතුරුපැදිය පැදවූ සිසුවා යතුරුපැදිය අතහැර පලා ගොස් ඇති නමුත් මරණයට පත් සිසුවාට එල්ලවූ පොලු පහරකින් එම ස්ථානයේ ඇද වැටී ඇත.
පසුව ඇද වැටී සිටි සිසුවාට නැවත පොලු මුඟුරු වලින් පහරදී ඇති අතර බරපතල තුවාල සහිතව සිටි සිසුවා එම ප්‍රදේශයේ පුද්ගලින් පිරිසක් විසින් මාතලේ දිස්ත්‍රික් මහ රෝහල් වෙත ඇතුලත් කර ඇති නමුත් ඒ වන විටත් ඔහු මරණයට පත්ව සිටි බව රෝහල් ආරංචි මාර්ග පවසයි.
පහර කෑමෙන් දිව ගොස් දිවි බේරාගත් පාසල් සිසුවියගේ පෙම්වතා රෝහලේ ගතව ප්‍රතිකාර ලබන බව පොලිසිය පවසයි.
සිද්ධිය සම්බන්ධයෙන් එම ප්‍රදේශයේ පදිංචි පාසල් සිසුවියගේ පියා සැකපිට අත්අඩංගුවට ගෙන ඇත.
İşinin ehli çok iyi bir medyum herkese tavsiye ederim
Ben size de öneriyorum. Gerçekten çok deneyimli ve tecrübeli bir medyumdur.