හිටපු ජනාධිපති ගෝඨාභය රාජපක්ෂගේ මිරිහාන නිවස ඉදිරිපිට පැවති විරෝධතාව අතරතුර බස් රථයකට හා ජීප් රථයකට ගිනි තබා තිබු අතර එම යුද හමුදා බස් රථයට ගිනි තැබු සැකකරු අපරාධ පරීක්ෂණ දෙපාර්තමේන්තුව විසින් අත්අඩංගුවට ගෙන ඇත.
එලෙස අත්අඩංගුවට ගත් සැකකරු මහියංගනය පුජා පිටිය ප්රදේශයේ පදිංචි 33 හැවිරිදි පුද්ගලයෙක් වන අතර ඒ සම්බන්ධයෙන් වැඩිදුර පරීක්ෂණ අපරාධ පරීක්ෂණ දෙපාර්තමේන්තුව විසින් සිදුකරයි.
පසුගිය 2022 වසරේ මාර්තු (31) වැනිදා හිටපු ජනාධිපති ගෝඨාභයර රාජපක්ෂගේ මිරිහාන නිවස ආසන්නයේ විරෝධතාව පැවැත්වුයේ විදුලි, ඉන්ධන, ගෑස් හිඟය හා ජීවන වියදම මුල් කරගනිමින් ජනතාව මුහුණදෙන අපහසුතාවයන් හේතුවෙන්ය.
එදින රාත්රියේ නුගේගොඩ පොලිස් කොට්ඨාසය ඇතුලු කොළඹ ප්රදේශ කිහිපයකට පොලිස් ඇඳිරි නීතිය පනවනු ලැබු අතර විරෝධතාව විසුරුවා හැරීම සඳහා පොලීසිය කඳුළු ගෑස් හා ජල ප්රහාර ප්රහාර එල්ල කිරීමෙන් පසුව දිගින් දිගටම විරෝධතාවය ක්රියාත්මක විය.