විදුලි සංදේශ නියාමන කොමිෂන් සභාව විසින් ජංගම දුරකථන පාරිභෝගිකයන්ව අපහසුතාවයට පත් කරමින් ලබාදෙන ව්‍යාපාර ප්‍රවර්ධන කෙටි පණිවුඩ හා දුරකතන ඇමතුම් පාලනය කිරීම සදහා නීති සකස් කිරීමට තීරණය කර ඇත.
දෛනික කටයුතුවලට සහ පෞද්ගලිකත්වයට බාධා කරමින් ජංගම දුරකථන සමාගම් වලින් ලැබෙන කෙටි පණිවිඩ සම්බන්ධයෙන් රටේ ජනතාව කොමිසන් සභාවට පැමිණිලි කිරීම මත මාර්ගෝපදේශ මාලාවක්ද සකස් කිරීමට නියමිතය.
එම මාර්ගගෝපදේශ මාලාවට අනුව සමාගම් කටයුතු නොකිරීම නිසා එය නීතියක් ලෙස ගැසට් කිරීමට සැලසුම් කර ඇති අතර සකස් කරන ලද මාර්ගෝපදේශ මාලාව මෙම වසර අවසානයට පෙර නීතිගත කිරීමට සැලසුම් කර ඇත.
