පෙරේදා (09) ඉන්දීය ජනපති නරේන්ද්‍ර මෝදිගේ දිවුරුම් දීමේ උත්සවය අතරතුර රාෂ්ට්‍රපති භවන් හි අභිරහස් සත්වයකු දර්ශනය වන වීඩියෝවක් සමාජ මාධ්‍ය තුළ වෛරසයක් මෙන් පැතිර ගිය අතර මීට සුළු මොහොතකට පෙර ඒ පිළිබඳව දිල්ලි පොලිසිය විසින් නිල ප්‍රකාශයක් සිදුකර තිබේ.
සමාජ මාධ්‍යවල බොහෝ දෙනා පවසන පරිදි දිවියෙකු වැනි සතෙකු, භාරතීය ජනතා පක්ෂයේ පාර්ලිමේන්තු මන්ත්‍රී දුර්ගා දාස් උයිකේ අමාත්‍යවරයෙකු ලෙස දිවුරුම් දී ජනාධිපති වරයාට ආචාර කරන මොහොතේ පසුබිමේ එම අත්භූත සත්වයා දක්නට ලැබුණු බවයි.
දිල්ලි පොලිසිය X පණිවිඩයක් කරමින් කරමින් කියා සිටින්නේ
“මෙම කරුණු සත්‍ය නොවේ, කැමරාවට හසු වූ සත්වයා සාමාන්‍ය ගෘහාශ්‍රිත පූසෙකි. කරුණාකර එවැනි කටකතාවලට හසු නොවන්න” යනුවෙනි.
දිල්ලි පොලිස් නිලධාරියෙකු පවසා සිටියේ, පරිශ්‍රය තුළ සිටින්නේ බල්ලන් සහ ‘ගෘහස්ථ’ බළලුන් පමණක් බවයි.
වන සංරක්‍ෂණ දෙපාර්තමේන්තුවේ නිලධාරියෙකු උපුටා දක්වමින් PTI පුවත් සේවය වාර්තා කළේ, ජනාධිපති වතුයායේ කිසිදු දිවියෙකු මින් පෙර වාර්තා නොමැති බවයි.
