අසල්වාසී පාකිස්තානයේ දේශගුණික ව්පර්යාස හේතුවෙන් හටගෙන ඇති අධික උෂ්ණත්වය සහිත කාලගුණ තත්ත්වය දරාගත නොහැකි විමෙන් එරට විශාලතම නගරය වන කරච්චි නගරයේ වැසියන් 500 අධික සංඛ්‍යාවක් ඉකුත් දින හතරක කාලයේ දී මියගොස් ඇති බව පාකිස්තානු මාධ්‍ය වාර්තා කරයි.
එරට ක්‍රියාත්මක වන ඒඩ්හි ගිලන්රථ සේවාවට අනුව ඔවුන් සාමාන්‍ය දිනවල දිනපතා කරච්චි නගරයේ සිට මෘත ශරීරාගාර වෙත මෘත දේහ 30ත් 40ත් අතර සංඛ්‍යාවක් ප්‍රවාහනය කළ නමුත් ඉකුත් සිකුරාද‍ා සිට බදාදා දක්වා ගත වූ දින 6ක කාලයේ දී මෘත දේහ 568ක් මෘත ශරීරාගාරය වෙත ප්‍රවාහනය කර ඇති බව පාකිස්තානු මාධ්‍ය පෙන්වා දෙයි.
කෙසේවෙතත් අධික උණුසුම් තවත් දින කිහිපයක් පවතිනු ඇති බවට කාලගුණ විශ්ලේෂකයන් පෙන්වා දෙයි.
