පසුගිය 2019 වසරේදී ශ්‍රී ලංකාවේ සිදුවු මරාගෙන මැරෙන පාස්කු බෝම්බ ප්‍රහාර මාලාව සම්බන්ධයෙන් තවත් ආන්දෝලනාත්මක වීඩියෝවක් ප්‍රසිද්ධියට පත් කරන බව බ්‍රිතාන්‍ය “Channel 4” නාලිකාවේ නිවේදනය කර ඇත.
පසුගිය අගෝස්තු (15) වනදා මෙම වීඩියෝ එළිදැක්වීමට සැලසුම් කර තිබුනත් රාජ්‍ය බුද්ධි ප්‍රධාන ප්‍රධානී සුරෙස් සාලේ විසින් එම නාලිකාවට නීතිඥවරු මාර්ගයෙන් කළ දැනුම්දීමක් අනුව අදාළ වීඩියෝ එදින විකාශය කිරීම අත්හිටුවා ඇත.
ස්විට්සර්ලන්තයේ සරනාගත භාවය පතා රැඳී සිටින පිල්ලෙයාන් කණ්ඩායමේ හිටපු මාධ්‍ය ප්‍රකාශකවරයා විසින් සිදුකරන ප්‍රකාශයක් එම ආන්දෝලනාත්මක වීඩියෝවේ මූලිකව අඩංගු බවද වාර්තා වේ.
මරාගෙන මැරෙන පාස්කු ප්‍රහාරය සම්බන්ධයෙන් රජයේ නිලධාරීන්ට චෝදනා එල්ල කරමින් මෙම ප්‍රකාශ නිකුත් කිරීමට බ්‍රිතාන්‍ය දෙමළ සංසදය ඇතුළු පාර්ශව කිහිපයක් එම පුද්ගලයාට අනුබල දී ඇති බවද වාර්තා වේ.
