පාස්කු සැකකරුවන්ට පොලීසිය වැඳ සමාව ගත් හේතුව මෙන්න.!

නීති විරෝධී ලෙස අත්අඩංගුවට ගෙන මාස 6කට වැඩි කාලයක් රඳවා තබා ගැනීම හරහා සිය මූලික අයිතිවාසිකම් උල්ලංඝනය කළේයැයි චෝදනා කරමින් සෙනූල් ආබ්දීන් , සෙනුල් ආබ්දීන් කලීෆාතුල්ලා සහ නූර්ගේ සකරියා යන මුස්ලිම් ජාතිකයින් විසින් අධිකරණය හමුවේ ඉදිරිපත් කළ මූලික අයිතිවාසිකම් පෙත්සම් අද කැඳවූ අවස්ථාවේදී මෙම සමාව ගැනීමේ සිද්ධිය වාර්තා වේ.

එස් තුරෙයි රාජා, කුමුදුනී වික්‍රමසිංහ සහ අචල වෙන්ගප්පුලි යන ත්‍රිපුද්ගල විනිසුරු මඩුල්ල හමුවේ මෙම පෙත්සම් කැඳවා තිබුණි.

මෙලෙස පාස්කු සිද්ධියට සැකපිට අත්අඩංගුවට ගෙන මේ වන විට නිදහස් කර සිටින හොරොව්පතාන ප්‍රදේශයේ පුද්ගලයින් තිදෙනෙක්ගෙන් හොරොව්පතාන පොලිස් ස්ථානාධිපතිවරයා සහ තවත් පොලිස් නිලධාරීන් පස්දෙනෙකු අද (01) ශ්‍රේෂ්ඨාධිකරණය හමුවේ සිංහල බෞද්ධ ක්‍රමයට එම පිරිසට ආචාර කර සමාව ඉල්ලා සිටියේය.

මෙම සමාව ඇයදීම සිදුකර තිබුනේ එවක හොරොව්පතාන පොලිස් ස්ථානාධිපති රොෂාන් සංජීව, එම පොලිසියේ පොලිස් සැරයන් ප්‍රේමරත්න, සැරයන් සිසිර, පොලිස් කොස්තාපල් ජයතිලක සහ පොලිස් නිළධාරීන් පිරිසක්.

පොලිස් නිලධාරීන් වෙනුවෙන් පෙනී සිටි නියෝජ්‍ය සොලිසිටර් ජෙනරල්වරයා අධිකරණය හමුවේ සඳහන් කළේ එම සිද්ධිය සම්බන්ධයෙන් අදාල පුද්ගලයින්ගෙන් යලි ප්‍රශ්න කිරීම් නොකරන බවයි.

කෙසේවෙතත් සැකකාර පිරිස සියළු චෝදනාවලින් නිදොස් කොට නිදහස් කිරීමට අධිකරණය විසින් තීන්දු කර ඇති පසුබිමක පෙත්සම්කරුවන්ගේ මූලික මිනිස් අයිතිවාසිකම් උල්ලංඝනය වී ඇති බවට තීන්දුවක් ලබා දෙන ලෙස ඉල්ලා මෙම පෙත්සම් ගොනුකර තිබුණි.

Loading

Highlights
Close
Hot list⚡
Close
Trend🔥
Close