මේ වනවිට පොලිස් නිලධාරීන් වෙත ලබාදෙන බටා ආරක්ෂක හමුදාවල ආහාර දීමනාවට සමාන කිරීමට ලබන වසරේ සිට උත්සාහ ගන්නා බව මහජන ආරක්ෂක අමාත්‍ය ටිරාන් අලස් සදහන් කරයි.
පාර්ලිමේන්තුවේ ආරක්ෂක ඒකකයේ සේවයේ නිරත පොලිස් නිලධාරීන් වෙත අමාත්‍ය ආරක්ෂක ඒකකයේ පොලිස් නිලධාරීන්ට ලැබෙන විශේෂ දීමනාව නොලැබීම සම්බන්ධයෙන් සොයාබලන බවද අමාත්‍ය ටිරාන් අලස් සදහන් කරයි.
විශේෂ දීමනාව නොලැබෙන පොලීසිය තුළ ඇති වෙනත් අභ්‍යන්තර දෙපාර්තමේන්තු කිහිපයක් වෙත මෙම විශේෂ දීමනාව ලබාදීම පිළිබඳව ලබන වසරේ අයවැය සකස්කිරීමේදී අවධානය යොමුකරන බවද අමාත්‍ය ටිරාන් අලස් සදහන් කරයි
ජනවාරි (01) වැනිදා සිට බටා දීමනාව දින 14 සිට දින 21 දක්වා වැඩි කළ බවත් සියලු පොලිස් නිලධාරීන් වෙත බටා සහ ආහාර දීමනාවක් යන දිවිත්වයම ලබාදිය නොහැකි බවද අමාත්‍ය ටිරාන් අලස් සදහන් කරයි
පාර්ලිමේන්තු මන්ත්‍රී ජගත් කුමාර නැගූ පැනයකට පිළිතුරු දෙමින් මහජන ආරක්ෂක අමාත්‍ය ටිරාන් අලස් පාර්ලිමේන්තුවේදී මේ බව සදහන් කරයි.
