මෙරටට නැවතත් විදේශීය සහල් ආනයනය කිරීමට අවසර ලබා දී ඇති බවට නඟන චෝදනා ප්‍රතික්ෂේප කරමින් අවිස්සාවේල්ල ප්‍රදේශයේ දී රාජ්‍ය අමාත්‍ය ආචාර්ය රංජිත් සියඹලාපිටිය කියා සිටියේ රජය ඒ සම්බන්ධව කිසිදු තීරණයක් ගෙන නොමැති බවයි.
පසුගිය පෙබරවාරියේ දී සහල් හිඟයක් ඇතිවීමේ අවධානමක් මතුවූ හෙයින් පමණක් ආනයනික සහල් සඳහා රජය අවස්ථාවක් ලබාදුන් බවත් මේ වනවිට එසේ අවශ්‍යතාවක් නොමැති බවත් එහිදී අමාත්‍යවරයා වැඩිදුරටත් කියා සිටියේය.
කෙසේවෙතත් සංචාරක හෝටල්වල අවශ්‍යතාවය සඳහා පමණක් මෙරට නිෂ්පාදනය නොකරන විදේශීය සුපිරි බාස්මතී සහල් අවශ්‍යතාව අනුව ගෙන්වීම සඳහා අවස්ථාව ලබා දී ඇති බවයි රාජ්‍ය අමාත්‍යවරයා සඳහන් කළේ.
