අද (11) සබරගමු පළාත් ප්‍රධාන ලේකම් කාර්යාලීය ශ්‍රවණාගාරයේදී පැවති සාකච්ඡාවකදී පළාත් ප්‍රධාන ලේකම් මහින්ද එස් වීරසූරිය පැවසූවේ බස්නාහිර පළාතේ හැර දිවයිනේ සෙසු පළාත්වලට අදාළව වාහන ආදායම් බලපත්‍ර ලියාපදිංචි කිරීම සබරගමු පළාත් සභාව මගින් මෙම මස 03වන දින සිට ක්‍රියාත්මක කර ඇති බවයි.
මේ අනුව, සබරගමු පළාත් සංකීර්නයෙන් ද රත්නපුර සහ කෑගල්ල දීස්ත්‍රික්ක දෙකේ ප්‍රාදේශීය ලේකම් කාර්යාල 29කින්ද බස්නාහිර පළාතේ ලියාපදිංචි වූ වාහන නොවන සෙසු පළාත්වල ලියාපදිංචි වූ වාහන සදහා වාර්ෂික වාහන ආදායම් බලපත්‍ර ලබා ගත හැකිවේ.
නොබෝ දිනකින් බස්නාහිර පළාතේ ලියාපදිංචි වූ වාහන හැර සෙසු පළාත්වල ලියාපදිංචි වාහන සදහා වාහන ආදායම් බලපත්‍ර පළාත් හතේම අදාල ආයතන වලින් ලබා ගත හැකි වන බව වාර්තා වේ.
කෙසේවෙතත් ප්‍රධාන ලේකම්වරයා වැඩිදුරටත් සඳහන් කළේ මීට ඔමිනි බස් රථවලට අදාළ වාහන ආදායම් බලපත්‍ර අදාළ නොවන බවයි.
