ශ්‍රී ලංකා පොදුජන පෙරමුණ පක්ෂය ගෙවල් ගිනිතියලා, ගහලා, බය කරලා වට්ටන්න පුළුවන් පක්ෂයක් නොවන බවත් රට ගොඩගන්න පක්ෂයක් බවද මහලේකම් පාර්ලිමේන්තු මන්ත්‍රී සාගර කාරියවසම් සදහන් කරයි.
ඉදිරියේදී පක්ෂයක් ලෙස පොදුජන පෙරමුණට නැවතත් ජනතාවට අවශ්‍ය වනු ඇති බවද කොළොන්නාව ආසන සමුළුව අමතමින් මහලේකම් පාර්ලිමේන්තු මන්ත්‍රී සාගර කාරියවසම් මේ බව සදහන් කරයි.
මන්ත්‍රී සාගර කාරියවසම් තවදුරටත් සදහන් කළේ,
“නිදහසින් පස්සේ ලංකාවේ බිහිවුණ සියලුම නායකයින් කරපු තරාදියේ එක පැත්තකට දාලා, මහින්ද මහත්තයා කරපු වැඩ ටික අනිත් පැත්තට දැම්මහම. මහින්ද මහත්තයාගේ පැත්ත දිග වැඩියි. ඒක නිසා ගෙවල් ගිනිතියලා, ගහලා, බය කරලා වට්ටන්න පුළුවන් පක්ෂයක් නෙමෙයි ඔබ තමුන්නාන්සේලාගේ මේ පක්ෂය.
ශ්‍රී ලංකා පොදුජන පෙරමුණේ අපිට මේ රට ගොඩනගන්න ඕන වුණේ ඔබගේ දරුවාට නැවතත් අනාගතයේ දී ගෙවන්න ණයක් අරගෙන නෙමෙයි. කොතරම් ආර්ථික අපහසුකම් තිබුණත් අපේ ඒ කාලපරිච්චේදය තමයි මේ රටේ ණය ගත්ත නැති, හැබැයි ණය ගෙවපු කාලපරිච්චේදය. අපි දකිනවා අරගලයට නායකත්වය දීපු නායකයෝ අද කොහොම ද පාටි දදා දඟලනවා අපිට පේනවා.
මෙවැනි අනාගතයක් වෙනුවෙන් ද මේ රටේ ජනතාව පෙළගැස්සුවේ. මම හිතන්නේ, පක්ෂයක් හැටියට නැවතත් අපිව මේ රටේ ජනතාවට අවශ්‍ය වෙනවා ඉතාම නුදුරු කාලයේ දී. දේශීයත්වය මත ගොඩනැගිච්ච ජාතිකත්වය මත ගොඩනැගුණ ජාතික ආර්ථිකයට යන්න අවශ්‍යයි කියලා මේ රටේ මිනිස්සු පාරට බැහැලා කෑගහයි.”
