ගාල්ල ප්‍රදේශයේ පැවති වැඩසටහනකට එක් වෙමින් විපක්ෂ නායක සජිත් ප්‍රේමදාස පවසා සිටියේ, ඉදිරියේදී ස.ජ.බ විසින් ගොඩනඟනා ආණ්ඩුවේ මුදල් ඇමතිවරයා මේ වනවිටත් තෝරාගෙන ඇති බවයි.
ස.ජ.බ සතුව රටේ වගකීම දැරීම සඳහා වඩාත් සුදුසු සහ ඊට අවශ්‍ය සුදුසුකම් සැපිරූ අමාත්‍ය මණ්ඩලයක් සිටිනා බව ඔහු පවසා සිටියේය.
ඒ අතරින් වගකීම් සහිත අමාත්‍ය ධූරයක් වන මුදල් අමාත්‍යධූරය සඳහා පාර්ලිමේන්තු මන්ත්‍රී හර්ෂ ද සිල්වා පත් කිරීමට තමා බලාපොරොත්තු වන විපක්ෂ නායක වරයා පවසා සිටියේය.
එවන් පසුබිමක ආචාර්‍ය හර්ෂද සිල්වා මහතා ස.ජ.බ මහ ලේඛම් රංජිත් මද්දුමබණ්ඩාර සම්බන්ධයෙන් යම් මතභේදාත්මක ප්‍රකාශයන් කිහිපයක් සිදුකරනු ලැබුවේ පසුගිය සතියේ මහලේඛම් වරයා විසින් රූපවාහිනී වැඩසටහනක් හා එක්වෙමින් සිදුකළ ප්‍රකාශයන්ට එරෙහිවයි.
