පාර්ලිමේන්තු මන්ත්රී සරත් ෆොන්සේකා අලුත් දේශපාලන පක්ෂයක් ගොඩනඟන බවට කරන ප්රකාශ ගැන සහ තමන් නිර්පාක්ෂික යැයි කරන ප්රකාශ පිළිබඳ ඔහුගෙන් ප්රශ්න කළ යුතු යැයි සමගි ජන බලවේගය තරුණ මන්ත්රීවරුන් පිරිසක් එහි ජ්යෙෂ්ඨයන් වෙත දැනුම්දී ඇති බව වාර්තා වේ.
විපක්ෂ සමගි ජන බලවේගය පක්ෂයේ සභාපති ලෙස කටයුතු කරන මන්ත්රී සරත් ෆොන්සේකා තමන් නිර්පාක්ෂික පුද්ගලයකු යැයි පසුගියදා සදහන් කිරීම අනුමත කළ නොහැකි බැවින් පක්ෂයේ සභාපති ලෙස එවැනි ප්රකාශ සිදු කිරීම ගැන ප්රශ්න කළ යුතු බවද තරුණ මන්ත්රීවරුන් සදහන් කර ඇත.
පාර්ලිමේන්තු මන්ත්රී සරත් ෆොන්සේකා නව දේශපාලන පක්ෂයක් පිහිටුවීමට ගත් තීරණය දැඩි ගැටලුවක් බැවින් මන්ත්රීවරයා එසේ සිදුකරන්නේ නම් සමගි ජන බලවේග පක්ෂයෙන් ඉවත් විය යුතු බවද තරුණ මන්ත්රීවරුන් සදහන් කර ඇත.