මෙම සැප්තැම්බර් මස අග වන විට සිනොපෙක් ඉන්ධන සමාගම දිවයින පුරා වෙළෙඳපොල මෙහෙයුම් ආරම්භ කරන බව අමාත්‍ය කංචන විජේසේකර සදහන් කරයි.
සිනොපෙක් සමාගම මෙරට තුළ ඉන්ධන බෙදාහැරීමේ නියෝජිත සහ සිනොපෙක් පිරිපහදු සමාගමේ නිලධාරින් සමඟ පැවැති සාකච්ඡාවකින් පසුව අමාත්‍යවරයා මේ බව සදහන් කරයි.
ඉන්ධන බෙදා හැරීමේ මෙහෙයුම් කටයුතුවල ප්‍රගතිය, ඉන්ධන පිරවුම්හල් බෙදාහැරීමේ නියෝජිතයන් සමග ගිවිසුම්ගත වීමේ ප්‍රගතිය, සිනොපෙක් කටයුතු පිළිබඳව හා මෙරට සිදුකිරීමට නියමිත වෙළෙඳපොල කටයුතු ආරම්භය කිරීම සම්බන්ධයෙන් ප්‍රගතිය සාකච්ඡා කර ඇත.
සිනොපෙක් ඉන්ධන සමාගම හම්බන්තොට ඉදිකිරීමට බලාපොරොත්තු වන නව පිරිපහදුවට ආයෝජනය කිරීමට නියමිත බවත් ඒ සඳහා වන ව්‍යාපෘති යෝජනාව ලබන සතිය තුළ ඉදිරිපත් කරන බවද අමාත්‍යවරයා සදහන් කරයි.
