සමාජ මාධ්‍ය භාවිතා කරන්නන්ට පොලීසියෙන් අනතුරු ඇගවීමක්.!

රට තුළ ළමුන් සහ කාන්තාවන් සම්බන්ධයෙන් සිදුවන ඇතැම් කාරණා වීඩියෝ කර සමාජ මාධ්‍ය වෙත මුදාහරින පුද්ගලයින්ට එරෙහිව නීතිය ක්‍රියාත්මක කරන බව පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී නීතිඥ නිහාල් තල්දූව සදහන් කරයි.

එම දර්ශන වීඩියෝ කර සමාජ මාධ්‍ය වෙත මුදාහැරීම දඩුවම් ලබාදියහැකි බරපතළ වරදක් බවත් ඒ සම්බන්ධයෙන් විමර්ශන සිදුකරන බවද මාධ්‍ය ප්‍රකාශක ජ්‍යෙෂ්ඨ පොලිස් අධිකාරී නීතිඥ නිහාල් තල්දූව සදහන් කරයි.

පොලිස් මාධ්‍ය ප්‍රකාශක නීතිඥ නිහාල් තල්දූව තවදුරටත් සඳහන් කළේ, 

“කාන්තාවන්ට පහරදී ඔවුන්ට ලිංගික හිරිහැර සිදුකිරීම වීඩියෝ කරලා ඒවා සමාජ මාධ්‍ය වෙත යොමුකර තිබෙනවා. ඒ යොමු කළ පුද්ගලයා බරපතළ වරදක් කරලා තියෙනවා. දඬුවම් ලබාදිය හැකි වරදක් ඔහු සිදුකරන්නේ. ඒ නිසා ඒ සම්බන්ධවත් විමර්ශන පවත්වනවා.

දණ්ඩනීති සංග්‍රහයේ 365 ඈ 1 කියන වගන්තිය මතයි මේ සම්බන්ධව නීතිය සඳහන් කරලා තිබෙන්නේ. යම්කිසි පුද්ගලයෙක් මේ ආකාරයේ ප්‍රචාරයක් සිදු කළොත් වසර 2 දක්වා බරපතළ වැඩ ඇතිව හෝ නැතිව දඩුවම් ලබාදීමේ හැකියාවක් තිබෙනවා. දඩයක් නියම කිරීමේ හැකියාවත් තිබෙනවා. නමුත් නඩු විභාගයකින් ඔප්පු වෙන්න ඕනේ.

කාන්තාවන් සහ ළමුන් සම්බන්ධයෙන් තිබෙන කාරණා ප්‍රචාරය කිරීම විශේෂයෙන් නීතියෙන් තහනම් කරලා තිබෙන දේවල්. සමාජ මාධ්‍ය ජාල හරහා මේවා යම් පුද්ගලයෙක් සමාජගත කිරීමේදී අනිවාර්යයෙන්ම ඔහු කරන්නේ බරපතළ වරදක්.”

Loading

Highlights
Close
Hot list⚡
Close
Trend🔥
Close