ඉතිහාසයේ පළමු වතාවට ශ්‍රී ලංකා ජාතික වොලිබෝල් පිරිමි කණ්ඩායම 2024 ආසියානු වොලිබෝල් තරගවලියේදී ඉරාන කණ්ඩායම පරාජයට පත්කර ඓතිහාසික ජයග්‍රහණයක් ලබා ඇත.
ශ්‍රී ලංකා වොලිබෝල් කණ්ඩායම සහභාගි වූ හතරවන තරගය ඉරානය සමග පැවති අතර එහිදී ශ්‍රී ලංකා කණ්ඩායම තරගය වට (3 – 0) ලෙස ජයග්‍රහණය කර ඇත.
ලෝක වොලිබෝල් ශ්‍රේණිගත කිරීම්වල 60 වැනි ස්ථානයේ පසුවන ශ්‍රී ලංකාව ශ්‍රේණිගත කිරීම්හි 15 වැනි ස්ථානයේ පසුවන ඉරානය පරාජය කිරීම විශිෂ්ට ජයග්‍රහණයකි.
කිර්ගිස්තානයට සහ පකිස්ථානයට එරෙහිව ශ්‍රී ලංකා කණ්ඩායම පළමු තරඟ දෙක පරාජයට පත් වූ නමුත් තුන්වන තරඟයේදී ඇෆ්ගනිස්ථානය (3 – 0) ලෙස පරාජය කිරීමට සමත් විය.
