පසුගිය වසර 3ක කාලය පුරා දිගින් දිගටම ලොව කොකෝවා නිෂ්පාදනය පහළ බසිමින් පවතී. විශේෂඥයින්ගේ පුරෝකථනය වන්නේ 4වන වසරටත් කොකෝවා නිෂ්පාදනය වාර්තාගත අන්දමින් පහළ යාමේ අවධානමක් නිරීක්ෂණය වන බවයි.
මෙම වසරේ දී ලොව කොකෝවා අවස්වැන්නේ මෙට්රික් ටොන් මිලියන 4.45ක් දක්වා එනම් 11% කින් පමණ පහත වැටෙනු ඇති බව ජාත්යන්තර කොකෝවා සංවිධානය පුරෝකතනය කරයි.
ගෙවුණු වසරේ දී ගෝලීය චොකලට් මිල දෙගුණයකින් ඉහළ ගොස් තිබේ ඒ මෙතෙක් ඉතිහාසයේ ඉහළම චොකලට් මිල සටහන් කරමිනි.
කොකෝවා බීජ සපයා ගැනීමට ඇති අපහසුතා හේතුවෙන් ඝනාවේ කොකෝවා බීජ නිෂ්පාදනාගාර 8ක් පමණ මේ වනවිට වසා දමා ඇති අතර ගෝලීය චොක්ලට් කර්මාන්තය මේ වනවිට පසුවන්නේ ඉතාමත් අභියෝගාත්මක තත්ත්වක බව වාර්ථා වේ.
ගෝලීය කාලගුණ විපර්යාසවල බලපෑමෙන් පරිසර උෂ්ණත්වය ඉහළ යෑම කොකෝවා අස්වැන්නට අඩුවීමට බලපා ඇති ප්රධානම හේතුව බවත් ඒ සමගම කොකෝවා මිල දෙගුණයටත් වැඩි ප්රමාණ්කින් ඉහළ ගොස් ඇති බව වාර්ථා වේ.
ලෝකයේ කොකෝවා බීජ වගාවේ 90% ක් පමණ සිදුවන්නේ හෙක්ටයාර 2කටත් අඩු භූමි ප්රමාණ තුළය. ලොව ප්රධානතම කොකෝවා සැපයුම්කරු අප්රිකාව වන අතර ලොව සමස්ත කොකෝවා නිෂ්පාදනයෙන් 75%ක් පමණ සපයන්නේ අයිවරි කෝස්ට්, ඝානා, කැමරූන්, සහ යන රටවල්ය.
කොකෝවා බීජ මිල අධික වීම හේතුවෙනි බොහෝ චොක්ලට් සැපයුම් කරුවන් මේ වනවිට කොකෝවා බීජ මිලට ගැනීම සම්පූර්ණයෙන් නවතා ඇති බව වාර්ථා වේ.
වර්තමානය වනවිට ගෝලීය චොකලට් මිල ඉහළ යමින් පවතින්නේ මෙම සම්ස්ථ ක්රියාවලියේ ප්රතිඵලයක් ලෙස බවත් ඒ සදහා තිරසාර විසදුමක් ලබා නොදුනහොත් නුදුරේදීම ලොව චොක්ලට් කර්මාන්තය නතරවනු ඇති බව විශේෂඥයන් මත පලකර ඇත.