ත්‍රී රෝද රථ ඇතුළු සොරකම් රැසකට සම්බන්ධ වයස අවුරුදු 15ක පිරිමි ළමයෙකුත් තමන් සොරාගත් ත්‍රී රෝද රථයකින් යමින් සිටියදී මොරටුව කටුකුරුන්ද ප්‍රදේශයේදී අත්අඩංගුවට ගැනීමට එගොඩ උයන පොලීසිය සමත්ව තිබේ.
එම සැකකරු සන්තකයේ තිබී අයිස් මිලිග්රෑම් 5200ක් සොයා ගැනීමෙන් පසුව සිදුකළ දීර්ඝ ප්‍රශ්න කිරීමේදී එගොඩ උයන පොලිස් වසමේ නිවාස තුනකින් සොරාගත් තවත් ස්මාට් ජංගම දුරකථන වාහන කැසට් ඇතුළු භාණ්ඩ තොගයක් එම ප්‍රදේශයේ වෙනත් පුද්ගලයන්හට අඩු මුදලට විකුණා තිබියදී පොලීසිය විසින් සොයාගෙන පොලිස් භාරයට ගන්නා ලදී.
