ටයිටැනික් නෞකාවේ නටබුන් නැරඹීමට ගොස් බ්‍රිතාන්‍ය කෝටිපතියකු ඇතුළු පුද්ගලයන් පස්දෙනෙකුට ජීවිත අහිමි වු අතර නැවතත් අමෙරිකාවේ කෝටිපතියෙක් ටයිටැනික් නටබුන් ගවේෂණය කිරීමට සූදානමින් සිටින බව විදෙස් මාධ්‍ය වාර්තා කරයි.
කුඩා වර්ගයේ සබ්මැරීනයකින් නැවතත් ටයිටැනික් නෞකාවේ නටබුන් ගවේෂණය කිරීමට අමෙරිකාවේ දේපළ වෙළෙඳ සමාගමක හිමිකරු වන 74 හැවිරිදි ලැරී කෝනර් සහ ඔහුගේ සහායක පැට්‍රික් ලාහේ සූදානමින් සිටින බව විදෙස් මාධ්‍ය වාර්තා කරයි.
මෙම කෝටිපති ව්‍යාපාරිකයා පසුගිය වසරේ නටබුන් නැරඹීමට ගොස් ජීවිතය අහිමි කරගත් ඕෂන්ගේට් සමාගමේ හිමිකරු ස්ටොක්ටන් රෂ් මෙන්ම ත්‍රාසජනක ක්‍රියාකාරකම්වලට ඇබ්බැහි වූවකු බව විදෙස් මාධ්‍ය වාර්තා කරයි.
මෙම ව්‍යාපාරික ලැරී කෝනර්ගේ අරමුණ වන්නේ, උතුරු අත්ලාන්තික් සයුරේ අඩි 12,000කට වඩා මුහුදු පතුලේ තැන්පත් වී ඇති ටයිටැනික් නෞකාවේ නටබුන් සහ පසුගිය වසරේදී මුහුද යටදී පිපිරීමට ලක්වු ටයිටන් සබ්මැරීනයේ සුන්බුන්ද ගවේෂණය කිරීමයි.
අමෙරිකානු ඩොලර් මිලියන 20ක් වැය කරමින් තැනූ ට්‍රයිටොන් නමැති කුඩා වර්ගයේ සබ්මැරීනයකින් මෙම ගවේෂණ චාරිකාව සිදු කිරීමට ලැරී කෝනර් සහ ඔහුගේ සහායක පැට්‍රික් ලාහේ සූදානමින් සිටින බව විදෙස් මාධ්‍ය වාර්තා කරයි.
