සූර් වැඩිවී ඩ්‍රයිවර් කෝච්චියෙන් බැස දුවලා… මගීන් මහ මග.!

අද පෙ.ව. 10 .40ට කොළඹ සිට මහනුවර බලා ධාවනය වූ දුම්රියේ රියදුරා අධික ලෙස බීමතින් සිහිවිකල් ලෙස හැසීරී දුම්රිය මහනුවර නගරයට කිට්ටු සුදුහුම්පොල ප්‍රදේශයේදී නවතා දමා දුම්රියෙන් බැස පලා ගොස් ඇත.

එහිදී දුම්රියේ සිටි මගීන් රියදුරා ලුහු බැඳ ගොස් හසුකර ගෙන, එම දුම්රිය සහාය රියදුරා කැඳවා දුම්රිය මහනුවර දුම්රිය ස්ථානය වෙත ගෙන ඒමට කටයුතු කර ඇත.

පසුව මගීන් එක්ව මහනුවර දුම්රිය ස්ථානයේදී අදාල බීමත් රියදුරා දුම්රිය ප්‍රවාහන පරීක්ෂක නිලධාරියා මාර්ගයෙන් දුම්රිය ආරක්ෂක අංශයට බාරදීමට කටයුතු කර ඇත.

දුම්රිය දෙපාර්තමේන්තුව සඳහන් කළේ මෙම සිද්ධිය දුම්රිය සාමාන්‍යාධිකාරී වරයාටද මගීන් හරහා පැමිණිලි කිරීමෙන් පසු, නාවලපිටිය දුම්රිය ප්‍රවාහන අධිකාරී වරයාටද දැනුම් දී අදාළ රියදුරාට එරෙහිව දුම්රිය ආරක්ෂක අංශය මගින් වැඩිදුර පරීක්ෂණ සිදු කරනා බවයි.

මෙම සිදුවීමෙන් කොළඹ සිට පැමිණි දුමිරියේ මගීන්ද කලබලයට පත්වී ඇති බව වාර්තා වේ.

සිදුවීම හේතුවෙන් දුම්රිය පැයකට ආසන්න කාලයක් පමාවී ඇති අතර ඉන් මගීන් දැඩි අපහසුතාවයට පත්වූ බාඅ වාර්තා වේ.

Loading

Highlights
Close
Hot list⚡
Close
Trend🔥
Close