එළඹෙන මස රජයේ බදු ප්‍රතිපත්තියට එරෙහිව දැවැන්ත විරෝධතා පැවැත්වීමට පියවර ගන්නා බව රජයේ වෛද්‍ය නිලධාරීන්ගේ සංගමයේ ලේකම් වෛද්‍ය හරිත අලුත්ගේ සදහන් කරයි.
එළඹෙන සැප්තැම්බර් (14) වනදා ජාත්‍යන්තර මුල්‍ය අරමුදලේ (IMF) නියෝජිතයින් මෙරටට පැමිණෙන විට විරෝධතා ක්‍රියාවලිය උපරිම තැනකට ගෙනියන්න කටයුතු කරන බවද ලේකම් වෛද්‍ය හරිත අලුත්ගේ සදහන් කරයි.
ලේකම් වෛද්‍ය හරිත අලුත්ගේ තවදුරටත් සදහන් කළේ,
“රජය විශ්වාස කරනවා නම් වෘත්තීකයින් විදියට මේ ඉවසීම වැරදි විදියට පාවිච්චි කරලා අපේ ප්‍රශ්නය විසඳන්නේ නැතුව කාපට් අස්සට දාලා මේ ප්‍රශ්නය වහලා දාන්න ඒකට මේ රටේ වෘත්තීයවේදීන් ඉඩදෙන්නේ නෑ. ඒ අපේ ඉවසීම වැරදි විදියට පාවිච්චි කරන්න පාලකයින් උත්සාහ කළොත් එයට අවශ්‍ය නිසි උත්තර මේ වෙලාවේ දෙන්න අපි තීරණය කරලා තියෙනවා.”
