මෙරට ක්‍රිකට් ආයතනය විසින් ඉන්දීය ක්‍රිකට් පාලක මණ්ඩලය වෙත දැනුම් දී ඇත්තේ ශ්‍රී ලංකා කණ්ඩායමේ තුන් ඉරියව් ක්‍රීඩක වනිදු හසරංග ආබාධයක් හේතුවෙන් මෙවර ඉන්දීය ප්‍රිමියර් ලීග් ක්‍රිකට් තරගාවලියට ක්‍රීඩා නොකරන බවයි.
වනිඳුගේ වම් පාදයේ වළලුකර පආශ්‍රිතව ඇතිවූ ආබාධ තත්වය සුව කර ගැනීම සදහා ඔහුට ව්‍යායාම කටයුතුවල යෙදීමට සහ විවේකීව කාලය ගත කිරීමට සිදු වන බවයි ශ්‍රී ලංකා ක්‍රිකට් ආයතනය දන්වා සිටින්නේ.
ඒ හේතුවෙන් Sunrisers Hyderabad කණ්ඩායමට වනිදු වෙනුවට ආදේශක ක්‍රීඩකයෙකු සංචිතයට ඇතුලත් කිරීමට සිදුවනු ඇති.
මීට දින කිහිපයට පෙර වනිඳු හසරංග වැඩිදුර වෛද්‍ය උපදෙස් ලබා ගැනීම සදහා ඩුබායි රාජ්‍ය වෙත පිටත්ව ගොස් ඇති අතර එහි දින තුනක පමණ කාලයක් ඔහු රැදී සිටිමින් ප්‍රතිකාර ලබාගෙන ඇති අතර එහිදී වෛද්‍ය උපදෙස් ලැබී ඇත්තේ ඔහුට මෙවර අයි.පී.එල් තරගාවලියට සහභාගී නොවී විවේක ගන්නා ලෙසට බවද වාර්තා වේ.
