යුක්‍රේනයේ නැගෙනහිර ප්‍රදේශයට රුසියාව එල්ල කළ ගුවන් ප්‍රහාරවලින් පුද්ගලයින් 11 දෙනෙකු මියගොස් ඇති අතර එම පුද්ගලයින් අතර ළමුන් 05 දෙනෙකු සිටින බවද විදෙස් මාධ්‍ය වාර්තා කරයි.
නැගෙනහිර යුක්‍රේනයේ ඩොනෙට්ස්ක් ප්‍රදේශයට මෙම ප්‍රහාර එල්ල වී ඇති අතර මෙම ප්‍රහාරය සම්බන්ධයෙන් යුක්‍රේන ජනාධිපති ව්ලැද්මීර් සෙලෙන්ස්කි සදහන් කළේ, මෙවැනි ප්‍රහාරවල ප්‍රතිවිපාක රුසියාවට අත්විඳීමට සිදු වනු ඇති බවයි.
එහෙත් යුක්‍රේනයේ නැගෙනහිර ප්‍රදේශයට එල්ල කළ ගුවන් ප්‍රහාර සම්බන්ධයෙන් රුසියාව තවමත් ප්‍රකාශයක් සිදුකර නොමැති බවද විදෙස් මාධ්‍යය වාර්තා කරයි.
